Bofill
Centre de Congrès
რაბატი
რაბატში მდებარე UM6P-ის კამპუსის საკონფერენციო დარბაზი საზოგადოებრივი თავშეყრის სივრცეა. როგორც სატრანზიტო დერეფანს, ამ ადგილს საორიენტაციო დანიშნულება აქვს. შენობამდე მისასვლელად პორტიკი და ორნამენტებით მოკირწყლული ქვაფენილი უნდა გაიარო. ასე პატიოდან ლობიში შედიხარ. ექსტერიერსა და ინტერიერს შორის ზღვარი მკაფიოდ არის გავლებული. გარე სივრციდან შიდა ტერიტორიაზე გადანაცვლებით ცალსახად იგრძნობა, რომ აკადემიურ სივრცეში გადადიხარ. შენობის შიგნით არის წრიული შიდა კედელი, რომელიც გარს აკრავს კვადრატული ფორმის აუდიტორიას. ამ ორ გეომეტრიულ ფიგურას შორის, რომელიც შენობის ცენტრალური ნაწილია, არსებული სივრცე შეხვედრების ოთახებს, სასემინარო აუდიტორიებს, კაფეებსა და სხვადასხვა დანიშნულების სივრცეებს ეთმობა, რომლებიც პერიოდულად ფუნქციას იცვლის. პერიმეტრზე განლაგებული შიდა ეზოები სპორტულ მოედნებსა და ტყეს გადაჰყურებს. ამგვარად, შენობის შიდა და გარე სივრცეები ერთმანეთს ერწყმის. არქიტექტურა, ინტერიერი, ლანდშაფტი და ავეჯი ერთიან დიზაინ კოდს მიჰყვება და კულტურული, აკადემიური და სამოქალაქო ღონისძიებებისთვის შესაფერის გარემოს ქმნის.
