Bofill
Walden 7 Sant Just Desvern
საცხოვრებელი კომპლექსი ბარსელონასთან ახლოს მდებარეობს. შენობას ადრე სამრეწველო ფუნქცია ჰქონდა. დღეს კი ჯამში შვიდ ეზოსა და თვრამეტ კორპუსს აერთიანებს. კორპუსები ერთმანეთს ხიდებით, კიბეებითა და საფეხმავლო ბილიკებით უკავშირდება. მაკავშირებლების ქსელი ერთგვარ ვერტიკალურ ლაბირინთს წარმოქმნის. ბინები 30 მ²-იანი დაგეგმარებითი მოდულით არის ნაშენები. ამგვარი განაწილება სხვადასხვა კონფიგურაციას იძლევა. პროექტი მოიცავს როგორც სტუდიოს ტიპის, ისე საოჯახო ზომის საცხოვრებლებს. ბინები ისეა განლაგებული, რომ თითოეულ მათგანს ჰქონდეს ხედი, როგორც ქალაქის მხარეს, ასევე შიდა ეზოს მიმართულებით. ასე ბუნებრივი განათება საკმარისი რაოდენობით აღწევს აპარტამენტებში და ჰაერის მოძრაობა ოპტიმალურია. საცხოვრებელი კომპლექსი თავისთავად თვითკმარი ეკოსისტემაა, სადაც თავმოყრილია საჭირო სერვისები და საზიარო სივრცეები. პროექტის ფარგლებში, საერთო გამოყენების სივრცეებს იმდენადვე დიდი ყურადღება ეთმობა, როგორც ინდივიდუალურ საცხოვრებლებს.
